Biarritz Culture

  « Lukainka, ergel, mentsa, zozo... ! » nahi dutena erraten ahal dute, Ludovicek ongi daki ez dela arrunt zozoa, pixka bat geldoa bakarrik. Azken kanpoko tenorean, batek oihukatu du: «Mongol!» Zer erran nahi du mongol hitz horrek? Lehen aldikoz bere bizian, zerbait xerkatzen du hiztegi batean.
« Mongol,e,adj.: Mongoliakoa. » Ongi, Ludovic Mongoliako egiazko Mongol bat izanen da, eta haragia eta gasna baizik jaten ez duena, Gengis Khanen historia eta Naadam festaren data eri puntetan ezagutzen duena, ilea motz-motza edukitzen duena, bere etsaiak « hire aitaren burumuin gordina! » edo ere « gorotz zagi! » izenez laidoztatzen dituena.
Karin Serres-en testu bat, intolerantzia edo norberaren baieztapena nortasun berri baten bilaketan gisako arazoen hurbiltze irringarri, urguri eta konbentzigarria.